തിരുവല്ലയിൽ വീടിന് തീപിടിച്ചു. മഞ്ഞാടി സോളി മൻസിലിൽ നസീമയുടെ വീടാണ് കത്തി നശിച്ചത്. ഇന്നലെ വൈകിട്ട് നാലുമണിയോടെ ആയിരുന്നു സംഭവം. വ്യാപക നാശനഷ്ട മാണ് ഉണ്ടായിരിക്കുന്നത്.
വീട് പകുതിയോളം കത്തിനശിച്ചിട്ടുണ്ട്. അപകടം നടന്ന സമയം വീട്ടിൽ ആരുമില്ലായിരുന്നു. ഷോർട്ട് സർക്യൂട്ട് ആണ് തീപിടിത്തത്തിന് കാരണമെന്നാണ് പ്രാഥമിക നിഗമനം. അയൽവാസികളാണ് വീട് കത്തുന്നത് ആദ്യം കണ്ടത്. തുടർന്ന് തിരുവല്ലയിലെ അഗ്നിശമനസേനയെ വിവരം അറിയിക്കുകയായിരുന്നു.
താഴത്തെ നിലയിലെ കിടപ്പുമുറിയിലും ബാത്റൂമിലും തീ ആളിപ്പടർന്നു. അഗ്നിശമനസേനയുടെ രണ്ട് യൂണിറ്റ് എത്തി ഏറെ പണിപ്പെട്ടാണ് തീ അണച്ചത്. കിടപ്പുമുറിയിലെ എസി, ഫാനുകൾ, ഇലക്ട്രിക് ഹീറ്റർ, കട്ടിൽ, അലമാര, ലൈറ്റുകൾ എന്നിവയെല്ലാം കത്തിനശിച്ചു. വീട്ടിലെ വയറിങ്ങും കത്തിയിട്ടുണ്ട്. സീനിയർ ഫയർ ആൻഡ് റെസ്ക്യൂ ഓഫീസർ കെ സതീഷ് കുമാർ, ഓഫീസർമാരായ ബിജു ടി എബ്രഹാം, ദേവൻ, വി പ്രശാന്ത്, ദിനുരാജ്, സാബു തോമസ്, ഉമറുൾ ഫറൂക്, സനിൽ, സജിമോൻ എന്നിവരുടെ നേതൃത്വത്തിൽ ആയിരുന്നു രക്ഷാപ്രവർത്തനം.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
0 Comments