രാമപുരം ആര്‍.വി.എം. ലൈബ്രറിയില്‍ വിദ്യാരംഭവും പ്ലാറ്റിനം ജൂബിലി ആഘോഷം ഉദ്ഘാടനവും

രാമപുരത്ത് വാര്യര്‍ മെമ്മോറിയല്‍ പബ്ലിക് ലൈബ്രറിയുടെ നേതൃത്വത്തില്‍ വിദ്യാരംഭവും ലൈബ്രറിയുടെ പ്ലാറ്റിനം ജൂബിലി ആഘോഷങ്ങളുടെ ഉദ്ഘാടനവും ഒക്‌ടോബര്‍ 5-ാം തീയതി നടക്കുമെന്ന് ഭാരവാഹികളായ കെ.ആര്‍. പ്രഭാകരന്‍ പിള്ള, നാരായാണന്‍ കാരനാട്ട്, കെ.എസ്. മാധവന്‍ എന്നിവർ  പത്രസമ്മേളനത്തിൽ  അറിയിച്ചു. 

ഇതിന് മുന്നോടിയായി വഞ്ചിപ്പാട്ട് മത്സരവുമുണ്ട്. രാവിലെ 10 ന് മത്സരങ്ങള്‍ ആരംഭിക്കും. 

വൈകിട്ട് 4 ന് നടക്കുന്ന സാംസ്‌കാരിക സമ്മേളനം കഥാകാരന്‍ സന്തോഷ് ഏച്ചിക്കാനം ഉദ്ഘാടനം ചെയ്യും. കെ.എസ്. മാധവന്‍ അദ്ധ്യക്ഷത വഹിക്കും. കെ.ആര്‍. പ്രഭാകരന്‍ പിള്ള, എസ്. സാബു, എന്‍. രാജേന്ദ്രന്‍, നാരായണന്‍ കാരനാട്ട് എന്നിവര്‍ പ്രസംഗിക്കും.

പ്ലാറ്റിനം ജൂബിലി ആഘോഷങ്ങളുടെ ഉദ്ഘാടനം ഡോ. സിന്ധുമോള്‍ ജേക്കബ് നിര്‍വ്വഹിക്കും. റോയി ഫ്രാന്‍സിസ്, ഡോ. എന്‍. അജയകുമാര്‍. അനഘ ജെ. കോലത്ത്, കെ.എസ്. രാജു, വി.എം. ചിത്ര, ജി. അജയന്‍ എന്നിവര്‍ പ്രസംഗിക്കും.