സി പി ഐ എം പാലായിൽ സൗജന്യ ജനസേവനകേന്ദ്രവും ലൈബ്രറിയും തുറക്കുന്നു....... യുവത്വത്തിൻ്റെ നേതൃത്വം ..... പുത്തൻ കർമ്മ പദ്ധതികളുമായി ജനങ്ങളുമായി കൂടുതൽ അടുക്കാൻ സജേഷ് ശശിയും ടീമും....

സി പി ഐ എം പാലായിൽ സൗജന്യ ജനസേവനകേന്ദ്രവും ലൈബ്രറിയും തുറക്കുന്നു....... യുവത്വത്തിൻ്റെ നേതൃത്വം ..... പുത്തൻ കർമ്മ പദ്ധതികളുമായി ജനങ്ങളുമായി കൂടുതൽ അടുക്കാൻ സജേഷ് ശശിയും ടീമും....

സുനിൽ പാലാ

ജനങ്ങളിലേയ്ക്ക് കൂടുതൽ അടുക്കാൻ പാലായിൽ സി പി ഐ എം തയ്യാറെടുക്കുന്നു. ഇതിൻ്റെ ഭാഗമായി പാലാ കൊട്ടാരമറ്റത്ത് ഇ എം എസ് മന്ദിരത്തിൽ പ്രവർത്തിക്കുന്ന ഏരിയാ കമ്മിറ്റി ഓഫീസിൽ ജനങ്ങൾക്കു സൗജന്യ സേവനം നൽകുന്നതിനായി ജനസേവന കേന്ദ്രം തുറക്കും. ഇതോടൊപ്പം ലൈബ്രറിയും സജ്ജീകരിക്കുന്നുണ്ടെന്ന് ഏരിയാ സെക്രട്ടറി സജേഷ് ശശി പറഞ്ഞു.

പഴയകാലത്തേതു പോലെ ജനങ്ങളുമായി കൂടുതൽ അടുത്ത ബന്ധം പുലർത്താനാണ്  ജനസേവന കേന്ദ്രം തുറന്ന് സൗജന്യ സേവനം നൽകുന്നത്.  

. ഒട്ടനവധി സർക്കാർ സേവനങ്ങൾ ജനസേവന കേന്ദ്രങ്ങൾവഴി നൽകുന്നതിനാൽ എല്ലാ വിഭാഗം ജനങ്ങളും നിരന്തരം പാർട്ടി ഓഫീസുമായി ബന്ധപ്പെടുമെന്ന തിരിച്ചറിവും പാർട്ടിക്കുണ്ട്. സേവനം സൗജന്യമാക്കുന്നതു വഴി സാധാരണക്കാർ ഇവിടേയ്ക്ക് എത്തും. ഇതുവഴി ആളുകളുമായുള്ള ബന്ധം നിലനിർത്താനും ദൃഢമാക്കാനും സാധിക്കും. പാർട്ടി ഭേദമെന്യേ എത്തുന്ന ജനങ്ങൾക്കെല്ലാം പറ്റുന്നത്ര സേവനങ്ങൾ ലഭ്യമാക്കും.

പഴയകാല അഭിപ്രായ രൂപീകരണത്തിൻ്റെ ഇടമായിരുന്ന ലൈബ്രറി തുറക്കുന്നതും ആളുകളെ ആകർഷിക്കുന്നതിനുവേണ്ടിയാണ്. പാർട്ടി സജ്ജീകരിക്കുന്ന ജനസേവനകേന്ദ്രത്തിൽ എത്തുന്നവർ കാത്തിരിപ്പ് സമയത്ത് ലൈബ്രറി ഉപയോഗപ്പെടുത്താൻ കഴിയും.

യുവാവായ  സജേഷ് ശശി ഏരിയാ സെക്രട്ടറി ആയതോടെ പരമ്പരാഗത രീതികളിൽ നിന്നും മാറി പാർട്ടി ജനങ്ങളിലേയ്ക്ക് കൂടുതൽ അടുക്കുവാൻ  ശ്രമിക്കുന്നതിൻ്റെ ഭാഗമായാണ് ഈ നടപടികൾ. ജനങ്ങൾക്കു രാഷ്ട്രീയ കക്ഷികളോടുള്ള ആഭിമുഖ്യം കുറയുന്ന കാലഘട്ടത്തിലാണ് സി പി ഐ എമ്മിൻ്റെ ഈ സൗജന്യ  ജനസേവന കേന്ദ്രം . പാർട്ടി ഓഫീസ് സജ്ജീകരിക്കുന്ന ജനസേവന കേന്ദ്രത്തിൻ്റെയും ലൈബ്രറിയുടെയും ഉദ്ഘാടനം ഓണത്തോടെ നടക്കും.

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34