ഒരു കിലോയിൽ അധികം കഞ്ചാവുമായി പശ്ചിമബംഗാൾ സ്വദേശി രാമപുരം പൊലീസിൻ്റെ പിടിയിൽ

Yes Vartha Editor September 02, 2025

01-09-2025 രാത്രി 10.45 മണിയോടെ ഉഴവൂർ അരീക്കര പാറത്തോട് ജംഗ്ഷൻ ഭാഗത്ത് നിന്നും പശ്ചിമബംഗാൾ ബിർബും ജില്ല ഖരാസിൻപൂർ, കാട്ടിഗ്രാം സ്വദേശി റോക്ഷ്ദ് സെയ്ഖ് മകൻ അനാറുൽ സെയ്ഖ് (32 വയസ്സ്) ആണ് 1.03 kg കഞ്ചാവുമായി രാമപുരം പോലീസിന്റെ പിടിയിലായത്.

നൈറ്റ്‌ പെട്രോളിങ് ഡ്യൂട്ടിയിൽ ഉണ്ടായിരുന്ന രാമപുരം പോലീസ് സംശയാസ്പദമായി കണ്ട യുവാവിനെ ചോദ്യം ചെയ്യാൻ ശ്രമിച്ചപ്പോൾ പോലീസിനെ വെട്ടിച്ച് ഓടിപ്പോകാൻ ശ്രമിക്കുകയും പിന്തുടർന്ന് പിടിച്ച് ചോദ്യം ചെയ്ത സമയം കയ്യിൽ ഉണ്ടായിരുന്ന ഷോൾഡർ ബാഗ് പരിശോധിക്കുകയും അതിനുള്ളിൽ കണ്ട പൊതി എന്താണെന്ന് ചോദിച്ചപ്പോൾ അത് കഞ്ചാവ് ആണെന്ന് യുവാവ് സമ്മതിക്കുകയുമായിരുന്നു. നിയമപ്രകാരമുള്ള നടപടികൾക്ക് ശേഷം കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

രാമപുരം എസ് ഐ സുരേഷ് കുമാർ പി എസ്,

scpo റെജിജോസഫ്,

പ്രദീപ് എം ഗോപാൽ, എന്നിവരടങ്ങുന്ന പെട്രോളിങ് സംഘമാണ് പ്രതിയെ പിടികൂടിയത്.