ജൂബിലി പെരുന്നാളിന് മാറ്റുകൂട്ടാന്‍ സി.വൈ.എം.എല്‍. ആഘോഷങ്ങള്‍
ചരിത്രപ്രസിദ്ധമായ പാലാ ജൂബിലി പെരുന്നാളിന് മാറ്റുകൂട്ടുവാന്‍ സി.വൈ.എം.എല്‍.ന്റെ ആഭിമുഖ്യത്തിലുള്ള ആഘോഷപരിപാടികള്‍ ഡിസം. ഒന്നിന് ആരംഭിക്കുമെന്ന് സിവൈഎംഎൽ ഭാരവാഹികൾ വാർത്താ സമ്മേളനത്തിൽ അറിയിച്ചു. അച്ചായന്‍സ് ഗോള്‍ഡ് സ്‌പോണ്‍സര്‍ ചെയ്യുന്ന അഖില കേരള പ്രൊഫഷണല്‍ നാടക മത്സരത്തോടെയാണ് എട്ടുദിവസം നീണ്ടുനില്ക്കുന്ന പെരുന്നാള്‍ തുടങ്ങുന്നത്.
ഡിസംബര്‍ ഒന്നിന് വൈകിട്ട് 7.30 ന് മുനി. ടൗണ്‍ഹാളില്‍ ലോക സിനിമയുടെ സംവിധായകന്‍ ഡോമിനിക് അരുണ്‍ നാടക മത്സരം ഉദ്ഘാടനം ചെയ്യും. പ്രസിഡന്റ് പി.ജെ. ഡിക്‌സണ്‍ പെരുമണ്ണില്‍ അധ്യക്ഷത വഹിക്കും. മുനിസിപ്പല്‍ ചെയര്‍മാന്‍ തോമസ് പീറ്റര്‍ മുഖ്യാതിഥിയായിരിക്കും. കത്തീഡ്രല്‍ പള്ളി വികാരി ഫാ. ജോസ് കാക്കല്ലില്‍, ളാലം പഴയപള്ളി വികാരി ഫാ. ജോസഫ് തടത്തില്‍ എന്നിവര്‍ അനുഗ്രഹപ്രഭാഷണം നടത്തും. അച്ചായന്‍സ് ഗോള്‍ഡ് ജനറല്‍ മാനേജര്‍ ഷിനില്‍ കുര്യന്‍, സി.വൈ.എം.എല്‍. ജനറല്‍ സെക്രട്ടറി സജി പുളിക്കല്‍, സന്തോഷ് കെ. മണര്‍കാട്ട്, കണ്‍വീനര്‍ ക്ലീറ്റസ് ഇഞ്ചിപറമ്പില്‍ എന്നിവര്‍ പ്രസംഗിക്കും.
ഒന്നിന് വൈകിട്ട് 8ന് കൊല്ലം എസ്.എഫ്. നടനസഭയുടെ വിക്ടറി ആര്‍ട്‌സ് ക്ലബ്, രണ്ടിന് 7.30 ന് നാദം കമ്മ്യൂണിക്കേഷന്‍സ് ഇടപ്പാളിന്റെ കാഴ്ചബംഗ്ലാവ്, മൂന്നിന് 7.30ന് തിരുവനന്തപുരം സൗപര്‍ണ്ണികയുടെ താഴ്‌വാരം, നാലിന് 7.30 ന് വെഞ്ഞാറമൂട് അമ്മ തിയേറ്ററിന്റെ ഭഗത്സിംഗ് പുലിമല പി.ഒ., കൊല്ലം, അഞ്ചിന് 7.30ന് ആറ്റിങ്ങല്‍ ശ്രീധന്യയുടെ ആനന്ദഭൈരവി എന്നീ നാടകങ്ങള്‍ അവതരിപ്പിക്കും. എല്ലാ ദിവസവും കൂപ്പണ്‍ നറുക്കെടുപ്പ് ഉണ്ടായിരിക്കും. അഞ്ചാം തീയതി നടക്കുന്ന മെഗാനറുക്കെടുപ്പില്‍ റിജോ ജോസ് നെല്ലിപ്പുഴ സ്‌പോണ്‍സര്‍ ചെയ്യുന്ന സ്വര്‍ണ്ണനാണയവും 11 സമ്മാനങ്ങളും ഉണ്ടായിരിക്കും.
8 ന് ഉച്ചയ്ക്ക് 2.30 ന് വാദ്യമേളങ്ങളുടെ അകമ്പടിയോടെ കുറുമുണ്ടയില്‍ ജൂവല്ലറി സ്‌പോണ്‍സര്‍ ചെയ്യുന്ന ടുവീലര്‍ ഫാന്‍സിഡ്രസ് മത്സരം പാലാ പോലീസ് സര്‍ക്കിള്‍ ഇന്‍സ്‌പെക്ടര്‍ കുര്യാക്കോസ് പി.ജെ. ഫ്‌ളാഗ് ഓഫ് ചെയ്യും. മാത്യു കുറുമുണ്ടയില്‍, കണ്‍വീനര്‍ അഡ്വ. സന്തോഷ് കെ. മണര്‍കാട്ട് എന്നിവര്‍ പ്രസംഗിക്കും. ഒന്നാം സമ്മാനം 20,000/- രൂപ, രണ്ടാം സമ്മാനം 15,000/- രൂപ, മൂന്നാം സമ്മാനം 12,000/- രൂപ തുടങ്ങി ക്രമമായി 10,000/-, 8,000/-,
6,000/-, 5,000/-, 4,000/-, 3,000/-, 2,000/- പത്ത് സമ്മാനങ്ങൾ വിതരണം ചെയ്യും. ഡിസംബര്‍ 7, 8 തീയതികളില്‍ നടക്കുന്ന വൈദ്യുതാലങ്കാര മത്സരത്തിലെ വിജയികള്‍ക്ക് എന്‍.ജെ. ജോസ് നെല്ലിപ്പുഴ മെമ്മോറിയല്‍ ട്രോഫികള്‍ നല്കും. വാർത്താ സമ്മേളനത്തിൽ പ്രസിഡൻ്റ് പി.ജെ. ഡിക്സൺ പെരുമണ്ണിൽ, സജി പുളിക്കൽ, സോണി വലിയകാപ്പിൽ, ക്ലീറ്റസ് ഇഞ്ചിപ്പറമ്പിൽ, ഷാജി പന്തപ്ലാക്കൽ, സതീഷ് മണർക്കാട്ട്, അനൂപ് ടെൻസൻ, ലിജോ വടക്കുന്നേൽ എന്നിവർ പങ്കെടുത്തു.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
0 Comments