അതിസങ്കീര്ണ്ണമായ സൈബര് തട്ടിപ്പിലൂടെ വിരമിച്ച ബാങ്ക് ഉദ്യോഗസ്ഥന് 1.10 കോടി രൂപ നഷ്ടമായി. പഞ്ചാബ് നാഷണല് ബാങ്ക് ഡെപ്യൂട്ടി ജനറല് മാനേജറായി വിരമിച്ച ദിനേഷ് ശര്മ്മയാണ് തന്റെ ജീവിത സമ്പാദ്യം മുഴുവന് സൈബര് ക്രിമിനലുകള്ക്ക് മുന്നില് നഷ്ടപ്പെടുത്തിയത്. പോലീസ് സംഘടിപ്പിച്ച പത്രസമ്മേളനത്തില് തന്റെ അനുഭവം പങ്കുവെച്ച അദ്ദേഹം പൊതുജനങ്ങള്ക്കായി മൂന്ന് സുരക്ഷാ നിര്ദ്ദേശങ്ങളും നല്കി. കഴിഞ്ഞ നവംബറിലാണ് തട്ടിപ്പിന് തുടക്കമായത്.
നിക്ഷേപത്തിന് 30 മുതല് 40 ശതമാനം വരെ ലാഭം വാഗ്ദാനം ചെയ്തുകൊണ്ടുള്ള സന്ദേശമാണ് ഇദ്ദേഹത്തിന് ലഭിച്ചത്. ആദ്യം സംശയം തോന്നിയെങ്കിലും, പിന്നീട് ഇദ്ദേഹത്തെ ഒരു വാട്സ്ആപ്പ് ഗ്രൂപ്പില് ഉള്പ്പെടുത്തി. ഗ്രൂപ്പിലെ അംഗങ്ങള് തങ്ങള്ക്ക് ലഭിച്ച വന് ലാഭത്തെക്കുറിച്ച് സംസാരിക്കുന്നത് കണ്ടതോടെ ദിനേഷ് ശര്മ്മ ഇവരില് വിശ്വസിച്ചു. ആദ്യം 5,000 രൂപ നിക്ഷേപിക്കാന് തട്ടിപ്പുകാര് ആവശ്യപ്പെട്ടു. ഒരു വ്യാജ ആപ്ലിക്കേഷനിലൂടെ ഈ തുകയ്ക്ക് വലിയ ലാഭം ലഭിച്ചതായി ഇദ്ദേഹത്തെ വിശ്വസിപ്പിച്ചു.
ലാഭം കണ്ട് ആകൃഷ്ടനായ അദ്ദേഹം തന്റെ വിരമിക്കല് ആനുകൂല്യങ്ങളടക്കം 1.10 കോടി രൂപ പലപ്പോഴായി നിക്ഷേപിച്ചു. ഒടുവില് 3 കോടി രൂപ കൂടി ആവശ്യപ്പെട്ടതോടെയാണ് അദ്ദേഹം വീട്ടുകാരോട് വിവരം പറഞ്ഞതും തട്ടിപ്പ് തിരിച്ചറിഞ്ഞതും. തന്റെ അനുഭവം വിവരിച്ചുകൊണ്ട് ദിനേഷ് ശര്മ്മ പൊതുജനങ്ങള്ക്കായി നല്കുന്ന സുരക്ഷാ ടിപ്സുകള് ഇവയാണ്.
സാമ്പത്തിക ഇടപാടുകള് നടത്തുമ്പോള് അത് ഒരിക്കലും കുടുംബാംഗങ്ങളില് നിന്ന് ഒളിച്ചുവെക്കരുത്. വിശ്വസനീയമായ ലാഭം വാഗ്ദാനം ചെയ്യുന്ന ഓഫറുകളില് ഒരിക്കലും ആകൃഷ്ടരാകരുത്. നിങ്ങള് സൈബര് തട്ടിപ്പിന് ഇരയായാല് ഒട്ടും വൈകാതെ പോലീസ് സൈബര് സെല്ലില് പരാതി നല്കുക. തട്ടിപ്പ് തിരിച്ചറിഞ്ഞ ഉടന് ദിനേഷ് ശര്മ്മ സൈബര് സെല്ലില് പരാതി നല്കിയിട്ടുണ്ട്. സംഭവത്തില് പോലീസ് അന്വേഷണം ഊര്ജിതമാക്കി.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
.jpeg)
.jpg)
.jpeg)
0 Comments