കാട്ടാത്തി യുവശക്തി വായനശാല ഗോൾഡൻജൂബിലിആഘോഷങ്ങൾ

 

കാട്ടാത്തിയുവശക്തിവായനശാല  ഗോൾഡൻജൂബിലിആഘോഷങ്ങൾ 

കാട്ടാത്തി യുവശക്തി വായനശാല ആർട്സ് ആൻഡ് സ്പോർട്സ് ക്ലബ്  ഗോൾഡൻ ജൂബിലി ആഘോഷങ്ങൾ മെയ് 9 ,10  തീയതികളിൽ ഏറ്റുമാനൂരപ്പൻ കോളേജ് മൈതാനത്ത് നടക്കുമെന്ന് .  ഭാരവാഹികൾ പത്രസമ്മേളനത്തിൽ അറിയിച്ചു.  

 9ന്  രാവിലെ 9. 30 മുതൽ വിവിധ കലാകായിക മത്സരങ്ങൾ നടക്കും.

വൈകുന്നേരം ആറിന്  സാംസ്കാരിക സമ്മേളനം മന്ത്രി വി. എൻ. വാസവൻ ഉദ്ഘാടനം ചെയ്യും . വായനശാല പ്രസിഡന്റ്  സിനോഷ് സെബാസ്റ്റ്യൻ  അധ്യക്ഷത വഹിക്കും.

 കെ. ഫ്രാൻസിസ് ജോർജ് എം.പി.  മുഖ്യപ്രഭാഷണം നടത്തും .  ചടങ്ങിൽ  സിനിമ സംവിധായകൻ ജയരാജിന് വായനശാലയുടെ ആദരം നൽകും . 

 അതിരമ്പുഴ ഗ്രാമപഞ്ചായത്ത് പ്രസിഡണ്ട് ഒ എ സജി, ജില്ല പഞ്ചായത്തംഗം ജിം അലക്സ് , ബ്ലോക്ക് പഞ്ചായത്ത് മെമ്പർ ടി .എസ് . ദിലീപ് , വായനശാല ജോയിന്റ് സെക്രട്ടറിയും  അഞ്ചാം വാർഡ് മെമ്പറുമായ സനിൽ ജോസഫ് , രതീഷ് രത്നാകരൻ  തുടങ്ങിയവർ പ്രസംഗിക്കും.

 ഏറ്റുമാനൂരപ്പൻ കോളേജ്  പ്രിൻസിപ്പൽ  ഹേമന്ത് കുമാർ സമ്മാനദാനം നിർവഹിക്കും.

 വൈകിട്ട് ഏഴിന് യുവശക്തി ആർട്സിന്റെ  കലാസന്ധ്യ വർണ്ണ നിലാവ് എന്നിവയാണ് പ്രധാന പരിപാടികൾ . മൊബൈൽ ഫോണും  എ ഐയും  റീൽസു മെല്ലാം  ആധിപത്യം നേടിയ ഈ കാലഘട്ടത്തിൽ കൂടുതൽ ആളുകൾ വായനശാലയിലേക്ക് എത്തണമെന്ന് പ്രസിഡന്റ് . സിനോഷ് സെബാസ്റ്റ്യൻ  പറഞ്ഞു .

 പത്രസമ്മേളനത്തിൽ സെക്രട്ടറി പി. കെ . ഷാജി പല്ലാട്ട് , പ്രസിഡന്റ് സിനോഷ് സെബാസ്റ്റ്യൻ , സനൽ കാട്ടാത്തിയേൽ , പി. വൈ. ഷാജു

 എന്നിവർ പങ്കെടുത്തു .

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34