പഴയതിനെ അപേക്ഷിച്ച് സിനിമയിലെ മനുഷ്യര്‍ തമ്മിലുള്ള ആത്മബന്ധം കുറഞ്ഞെന്ന് നടന്‍ അശോകന്‍. ''ഇപ്പോള്‍ ഏറ്റവും കൂടുതല്‍ സിനിമ ചെയ്യുന്നത് നവാഗതരായ സംവിധായകര്‍ക്കൊപ്പമാണ്. ഏറ്റവും പുതിയ ടെക്‌നോളജിയിലും രീതിയിലും സിനിമയെ സമീപിക്കുന്നവരാണ് അവരെല്ലാം. ആ സിനിമകളിലും നല്ല കഥാപാത്രമാകാന്‍ സാധിക്കുന്നു എന്നത് എന്റെ ഭാഗ്യമാണ്.
പഴയതിനെ അപേക്ഷിച്ച് സിനിമ നിര്‍മിക്കുക എന്നത് ഇക്കാലത്തു കുറേക്കൂടി എളുപ്പമായിട്ടുണ്ട്. ടെക്‌നോളജിയുടെ വളര്‍ച്ചകൊണ്ട് സാധ്യമായത്. പലതരം കാമറകളും മറ്റുപകരണങ്ങളുമെല്ലാം ലഭ്യമായതിനാല്‍ ഇന്ന് ഏത് ബജറ്റിലും സിനിമയെടുക്കാമെന്ന രീതിയിലേക്ക് കാര്യംമാറി. അതൊക്കെ നല്ലതാണ്.
പക്ഷേ, പഴയതിനെ അപേക്ഷിച്ച് സിനിമയിലെ മനുഷ്യര്‍ തമ്മിലുള്ള ആത്മബന്ധം കുറഞ്ഞു. കാരണം കാരവാന്‍പോലുള്ള സൗകര്യങ്ങള്‍ വന്നതോടെ ഇടവേളകളില്‍ ഒന്നിച്ചിരുന്നുള്ള സംസാരവും മറ്റും ഇല്ലാതായി. സീന്‍ കഴിഞ്ഞാല്‍ ആള്‍ക്കാര്‍ കാരവാനില്‍ പോയി ഇരിക്കുന്ന രീതിയിലേക്ക് കാര്യം മാറി...''
0 Comments