തൃക്കരിപ്പൂർ റെയിൽവേ സ്റ്റേഷനിൽ പൊലീസുകാരൻ്റെ കാർ തകർത്ത് ബാറ്ററി മോഷണം; രണ്ട് യുവാക്കൾ അറസ്റ്റിൽ

Yes Vartha Editor October 24, 2025

പിലിക്കോട് മേൽമട്ടലായി സ്വദേശികളായ കെ. റോബിൻ എന്ന സച്ചു(20), എ. ഷാനിൽ(28) എന്നിവരെയാണ് ചന്തേര പി.വി രഘുനാഥും സംഘവും പിടികൂടിയത്.പോലീസ് അന്വേഷണത്തിനിടെ സിസിടിവി ദൃശ്യത്തിലൂടെയാണ് പ്രതികളെ കണ്ടെത്തിയത്.

കാസർകോട് റെയിൽവെ പോലീസിലെ സിവിൽ പോലീസ് ഓഫീസർ പേരാവൂർ മണത്തണയിലെ പി.എം. ഷംസീറിൻ്റെ ഉടമസ്ഥതയിലുള്ള കെ എൽ. 18. എൻ. 2990 നമ്പർ കാറിൻ്റെ ബാറ്ററിയാണ് പ്രതികൾ കവർന്നത്.

തൃക്കരിപ്പൂർ റെയിൽവെ സ്റ്റേഷൻ പരിസരത്ത് 21 ന് വൈകുന്നേരം 3.50 ഓടെ കാർപാർക്ക് ചെയ്‌ത ശേഷം ഡ്യൂട്ടിക്ക് പോയതായിരുന്നു ഷംസീർ. തിരിച്ചെത്തിയപ്പോഴാണ് കാർ തകർത്ത നിലയിൽ കണ്ടത്. പരാതിയിൽ അന്വേഷിച്ച പോലീസ് പ്രതിക കണ്ടെത്തി പിടികൂടുകയായിരുന്നു.