സുനില്‍ പാലാ
താഴ്ന്നുകിടന്ന കെ.എസ്.ഇ.ബി. സര്‍വ്വീസ് വയറില്‍ കഴുത്ത് കുടുങ്ങി ബൈക്ക് യാത്രികനായ കര്‍ഷകന്‍ റോഡില്‍ തെറിച്ചുവീണ് കാലൊടിഞ്ഞു.
രാമപുരം വെട്ടിക്കുഴിച്ചാലില്‍ വിനോദിന് (48) ആണ് പരിക്കേറ്റത്. ഞായറാഴ്ച വൈകിട്ട് 6.45-ഓടെയായിരുന്നു അപകടം.
രാമപുരത്തുനിന്ന് വെള്ളിലാപ്പള്ളിയിലെ പെട്രോള്‍ പമ്പിലേക്ക് പെട്രോളടിക്കാനായി ബൈക്കില്‍ പോകുകയായിരുന്നു വിനോദ്. വെള്ളിലാപ്പള്ളി സ്‌കൂളിന് മുന്‍വശത്തുനിന്ന് എതിര്‍ദിശയിലെ കെട്ടിടത്തിലേക്ക് വലിച്ചിരുന്ന സര്‍വീസ് വയര്‍ വളരെ താഴ്ന്ന് കിടക്കുകയായിരുന്നു. ഇതറിയാതെ വിനോദ് ബൈക്ക് ഓടിച്ചെത്തവെ വയര്‍ കഴുത്തില്‍ കുടുങ്ങി.
രാമപുരത്തുനിന്ന് വെള്ളിലാപ്പള്ളിയിലെ പെട്രോള്‍ പമ്പിലേക്ക് പെട്രോളടിക്കാനായി ബൈക്കില്‍ പോകുകയായിരുന്നു വിനോദ്. വെള്ളിലാപ്പള്ളി സ്‌കൂളിന് മുന്‍വശത്തുനിന്ന് എതിര്‍ദിശയിലെ കെട്ടിടത്തിലേക്ക് വലിച്ചിരുന്ന സര്‍വീസ് വയര്‍ വളരെ താഴ്ന്ന് കിടക്കുകയായിരുന്നു. ഇതറിയാതെ വിനോദ് ബൈക്ക് ഓടിച്ചെത്തവെ വയര്‍ കഴുത്തില്‍ കുടുങ്ങി.
ഇതോടെ വിനോദ് തെറിച്ചു വീണു. വലതുകാലിന് ഒടിവ് സംഭവിച്ചു. സര്‍വ്വീസ് വയറും പൊട്ടിവീണു. ഇതില്‍ വൈദ്യുതി പ്രവാഹം ഉണ്ടായിരുന്നു. പിന്നീട് പരിസര വാസികള്‍ വിളിച്ചുപറഞ്ഞതിനെ തുടര്‍ന്നാണ് ലൈന്‍ ഓഫ് ആക്കിയത്.
വിനോദിനെ അരുണാപുരം മരിയന്‍ മെഡിക്കല്‍ സെന്റര്‍ ആശുപത്രിയില്‍ അടിയന്തിര ശസ്ത്രക്രിയയ്ക്ക് വിധേയനാക്കി. സംഭവത്തെക്കുറിച്ച് പൊലീസ് കേസെടുത്ത് അന്വേഷണം ആരംഭിച്ചു.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
0 Comments