2026-ലെ ആദ്യ പൂര്ണ്ണ ചന്ദ്രഗ്രഹണം ഇന്ന്. ഏഷ്യയുടെ കിഴക്കന് ഭാഗങ്ങള്, ഓസ്ട്രേലിയ, പസഫിക് സമുദ്രം, അമേരിക്കന് ഭൂഖണ്ഡങ്ങള് എന്നിവിടങ്ങളില് ഗ്രഹണം ദൃശ്യമാകും. ഇന്ത്യയുടെ പടിഞ്ഞാറന് അറ്റത്തുള്ള ചില സ്ഥലങ്ങളൊഴികെ രാജ്യത്തിന്റെ മിക്ക ഭാഗങ്ങളിലും ചന്ദ്രഗ്രഹണം കാണാന് സാധിക്കും. ഇന്ത്യയില് മിക്കയിടങ്ങളിലും ചന്ദ്രോദയ സമയത്ത് ഗ്രഹണത്തിന്റെ അവസാന ഘട്ടമാകും ദൃശ്യമാകുക. എന്നാല് വടക്കുകിഴക്കന് ഇന്ത്യയിലും ആന്ഡമാന് നിക്കോബാര് ദ്വീപുകളിലും ഗ്രഹണത്തിന്റെ പൂര്ണ്ണാവസ്ഥ ദൃശ്യമാകും. ഗ്രഹണം ആരംഭിക്കുന്നത് ഇന്ത്യന് സമയം വൈകുന്നേരം 03:20-ന് ആയിരിക്കും.
പൂര്ണ്ണ ഗ്രഹണം ആരംഭിക്കുന്നത് വൈകുന്നേരം 04:34-ന് ആണ്. പൂര്ണ്ണ ഗ്രഹണം അവസാനിക്കുന്നത് വൈകുന്നേരം 05:33-ന് ആയിരിക്കും. ഗ്രഹണം പൂര്ണ്ണമായും അവസാനിക്കുന്നത് വൈകുന്നേരം 06:48-ന് ആയിരിക്കും. പൂര്ണ്ണ ചന്ദ്രഗ്രഹണ സമയത്ത് ചന്ദ്രന് ഭൂമിയുടെ നിഴലിലാകുമെങ്കിലും അന്തരീക്ഷത്തിലൂടെ കടന്നുപോകുന്ന സൂര്യപ്രകാശത്തിലെ ചുവപ്പ് രശ്മികള് ചന്ദ്രോപരിതലത്തില് പതിക്കുന്നു. ഇത് ചന്ദ്രനെ ചെമ്പ് കലര്ന്ന ചുവപ്പ് നിറത്തില് ദൃശ്യമാക്കുന്നു. ഇതിനെയാണ് 'ബ്ലഡ് മൂണ്' അഥവാ 'രക്തചന്ദ്രന്' എന്ന് വിളിക്കുന്നത്.
2026-ലെ പ്രത്യേകത ഇന്നത്തെ ചന്ദ്രഗ്രഹണം ഹോളി ദിനത്തിലാണ് വരുന്നത് എന്നതാണ്. ഫാല്ഗുന പൂര്ണിമയിലാണ് സാധാരണയായി ഹോളി ആഘോഷിക്കുന്നത്. ജ്യോതിശാസ്ത്രപരമായും ആത്മീയമായും വലിയ പ്രാധാന്യമുള്ള ഒരു അപൂര്വ്വ സംഗമമാണിത്. ഗ്രഹണ സമയത്ത് 'സൂതക്' കാലയളവ് ഉള്ളതിനാല്, ഹോലികാ ദഹന് ചടങ്ങുകള് ഗ്രഹണത്തിന് മുന്പോ ശേഷമോ നടത്താനാണ് ജ്യോതിഷികള് നിര്ദ്ദേശിക്കുന്നത്. ഭൂമി സൂര്യനും ചന്ദ്രനും ഇടയില് വരുന്ന പൗര്ണ്ണമി ദിനത്തിലാണ് ചന്ദ്രഗ്രഹണം സംഭവിക്കുന്നത്. നഗ്നനേത്രങ്ങള് കൊണ്ട് ഗ്രഹണം കാണാന് സാധിക്കുന്ന സ്ഥലങ്ങളില് മാത്രമേ ആചാരപരമായ കാര്യങ്ങള് ശ്രദ്ധിക്കേണ്ടതുള്ളൂ എന്നും പണ്ഡിതര് വ്യക്തമാക്കുന്നു.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
0 Comments