ഭൂപതിവ് ചട്ടഭേദഗതിയിലെ ഫീസ് ഈടാക്കിയുള്ള ക്രമപ്പെടുത്തല്‍ നടപ്പില്‍ വരുത്തുമെന്ന സര്‍ക്കാര്‍ തീരുമാനം വിലത്തകര്‍ച്ചയും വന്യജീവി ആക്രമണത്താലും ദുരിതം അനുഭവിക്കുന്ന ജില്ലയിലെ കര്‍ഷകര്‍ക്കുള്ള ഇരുട്ടടിയായിരിക്കുകയാണെന്ന് കേരളാ കോണ്‍ഗ്രസ് സംസ്ഥാന കോ-ഓഡിനേറ്റര്‍ അപു ജോണ്‍ ജോസഫ്.
ഫീസ് ഈടാക്കിയുള്ള നിര്‍മാണങ്ങള്‍ ക്രമവത്ക്കരിക്കുന്നത് വലിയ അഴിമതിയ്ക്ക് കളമൊരുക്കും. കാലങ്ങളായി സര്‍ക്കാരിന്റെ കെട്ടിട നിര്‍മാണ നിയമങ്ങളും ചട്ടങ്ങളും , തദ്ദേശ സ്വയം ഭരണ സ്ഥാപനങ്ങളുടെ അനുമതിയോടെ ഫീസുകള്‍ അടച്ച് നിര്‍മിച്ച കെട്ടിടങ്ങള്‍ക്ക് വീണ്ടും ഫീസ് ഈടാക്കി ക്രമപ്പെടുത്തുമെന്ന് പറയുന്ന വിചിത്രവാദമാണ് സര്‍ക്കാര്‍ ഉയര്‍ത്തുന്നത്.
ഇടുക്കിയിലെ ജനങ്ങളോട് സര്‍ക്കാരിന് പ്രതിബദ്ധത ഉണ്ടെങ്കില്‍ ഉപാധി രഹിത പട്ടയവും, സൗജന്യ ക്രമപ്പെടുത്തലിനു വേണ്ട നടപടിയുമാണ് സ്വീകരിക്കേണ്ടത്. ഒന്നും രണ്ടും പിണറായി സര്‍ക്കാര്‍ പതിനായിരക്കണക്കിന് കോടി രൂപയുടെ ഇടുക്കി പാക്കേജ് പ്രഖ്യാപിച്ചിട്ടും നാളിതു വരെ ഇതില്‍ നാമമാത്രമായ തുകയാണ് ചിലവഴിച്ചിട്ടുള്ളത്.
വീണ്ടും മലയോര ജനതയുടെ കയ്യില്‍ നിന്നും ക്രമവത്ക്കരണ ഫീസ് ഈടാക്കി ഖജനാവില്‍ പണം എത്തിക്കുന്നതിനുള്ള ശ്രമങ്ങളാണ് ഇതിലൂടെ സര്‍ക്കാര്‍ നടിപ്പിലാക്കാന്‍ ഉദ്ദേശിക്കുന്നത്.
ഈ ഭരണത്തിന്റെ അവസാന നാളുകളില്‍ പാക്കേജ് സെമിനാറുകള്‍ സംഘിടിപ്പിച്ചും, ജനങ്ങളില്‍ നിന്നും ക്രമവത്ക്കരണ ഫീസ് ഈടാക്കിയും നടത്തുന്ന നീക്കങ്ങള്‍ തെരഞ്ഞെടുപ്പ് സ്റ്റണ്ടായി മാത്രമേ കാണുവാന്‍ സാധിക്കൂ. ജില്ലയിലെ ഭൂപ്രശ്‌നങ്ങള്‍ അവസാനിക്കണമെന്ന് സര്‍ക്കാരിന് ഒരിക്കലും ആഗ്രഹം ഇല്ലാത്തതിനാല്‍ തെരഞ്ഞെടുപ്പ് അടുത്തു വരുന്ന കാലത്ത് ജനശ്രദ്ധ തിരിച്ചുവിടുവാന്‍ വേണ്ടി നടത്തുന്ന പ്രഹസനങ്ങള്‍ മാത്രമാണ് ഇതെന്നും അപു അഭിപ്രായപ്പെട്ടു.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
0 Comments